Kơp tât nar 3/4 hŏ geh bơi 1.900 rnăk ƀon lan bah n’gor Kon Tum đah lơn âk lah kônh wa ƀon lan rnoi mpôl đê̆ klaih luh bah ntŭk gŭ rêh tâm trôm jay truh sat, nkưp nde, nơm geh bôk nău kan jut jăng jay truh sat, nkưp nde dơi an ƀư ngăch. Tâm bơi 1.900 rnăk ƀon lan bah n’gor Kon Tum hŏ klaih luh bah ntŭk gŭ rêh tâm jay truh sat, nkưp nde geh rlău 1.400 rnăk dơi mon mhe n’hanh rlău 400 rnăk dơi nkra jay.

Rnăk yuh Y Lan ta ƀon Kon Jri Xút, xã Đăk Blà, nkual ƀon têh Kon Tum lah rnăk dơn geh jay lor bôk năp tâm lĕ rngôch rnoh 1.400 mblâm jay bah bôk nău kan jay truh sat, nkưp nde Bộ Công an ƀư ta n’gor Kon Tum. Lam n’gor Kon Tum geh 2.752 mblâm jay truh sat, nkưp nde ân dơi mon mhe n’hanh nkra kơl rnăk ach o, rnăk geh nău rêh jêr jŏt đăp mpăn ntŭk gŭ sa. Rlău ma bơi 1.900 mblâm jay hŏ mon mhe, nkra lôch jêh, n’gor Kon Tum geh trong nchrăp tât lĕ khay 6 tât, mbra ƀư lôch jêh bơi 870 mblâm jay hôm ƀa ƀă.