VOV4.M'nông: Mô hŏ tŏng du khay tay đŏng, kon se nti ăp gưl nti ta Dak Lak mbra lăp tâm năm nti 2022 - 2023. Gay đăp mpăn pah kan ntĭm n'hanh nti, nău nchrăp drăp ndơ dŏng dôl geh ăp nkuâl ntrôl ngăch, rnă ntêm lor, đăp mpăn ntĭm nti mbluh aih tâm ăp ntil nău tât. Tĭng Sở Giáo dục n'hanh Đào tạo Dak Lak, năm nti 2022-2023, lam n'gor geh 478.180 kon se nti tĭng nti ta 1.017 nhih nti, bah gưl Mầm non tât THPT.

Gay tŏng ăp drăp ndơ an năm  nti  mhe, UBND n'gor hŏ dŏng bơi 477 rmen prăk ntuh kơl rdâk njêng n'hanh rvăt năp ndơ dŏng ntĭm n'hanh nti. Tâm nê, bơi 389 rmen prăk dŏng ƀư mhe 350 jrô nti, nkra têh uĕh tay 170 jrô nti ơm, ƀư mpêr n'gar, jâng gung tung râng, mpông mpêr nhih nti an âk nhih nti; nklăp 88 rmen prăk dŏng rvăt nsưng mpan, bảng nchih n'hanh âk ndơ ntrŭp ntĭm n'hanh nti êng ƀa ƀă./.

Nuĭh rblang: Điểu Thân