Nău nchrăp ƀư geh dĭng lĕ rnoh ntuh kơl rlău 36 rmen prăk, dơi an ƀư bah năm 2021, nthoi Quốc lộ 26 đah trong n’gor 12 n'hanh rlet trong têh Khánh Hòa - Buôn Ma Thuột. Gâl ntung tơm lĕ jêh bah kêng dŭt năm 2023, yơn trong hăn bar ding ntung geh ƀư mbrơi nklăp 3 năm yor wăk ntŭk ntô ƀon lan gŭ n'hanh mô tŏng neh ntu. Tât aƀaơ, ăp jêr jŏt lĕ dơi dôh rklaih. Nuĭh tơm ntuh kơl đă nuĭh dơn nău kan  rgum nuĭh kan, măy mŏk, ndơ dŏng, ndăn trôk nar sơh uĕh gay ntrôl ngăch ƀư. Rnôk lôch jêh, ndơ ƀư mbra nthoi trong jong bơi 30 km, rhŏ dŏng hăn nsong bah rhiăng rbăn nuĭh ƀon lan n'hanh rgop ntrôl hun hao wăng sa - rêh jêng kon nuĭh nkual mpeh luh nar ba dâng n'gor Dak Lak.