VOV4.Mnông- Nar 1/4, HĐND n’gor Dak Lăk khóa 10 leo ƀư rơh rƀŭn nchră bôk nău tal 1. Ta rơh rƀŭn nchră, ăp đại biểu lĕ ƀư uănh nđôi ăp nău mbơh tơih, nău ntrŭnh n’hanh an dŏng 9 nghị quyết dŭt khlăy geh tât hun hao wăng sa- rêh jêng bâh n’gor kơt lah: Nghị quyết mpeh ntoch jong mông nar ƀư tĭng n’hanh pă tơm prăk nău nchrăp kan ntuh kơl nsum năm 2021 tât năm 2022 rnoh tơm prăk ngih dak ta ntŭk; ntrŭnh nău ntuh kơl n’hanh rgâl leo du đê̆ nău nchrăp kan mhe têh, trong kan pă mbơh nău nchrăp pă prăk đor lor ƀư tĭng bôk nău kan nkô̆ mpŏng ngih dak rdâk njêng nkual ƀon lan mhe bâh năm 2022.

Tĭng nĕ, tâm năm 2021, lĕ rnoh tơm prăk ntuh kơl nsum tơm prăk ta ntŭk ê hŏ pă an lah rlău 476 rmen prăk mbra geh ndơ̆ rgâl tât năm 2022. N’gor lĕ geh  pă an 238 rmen prăk  an đor lor ƀư tĭng bôk nău kan nkô̆ mpŏng ngih dak rdâk njêng nkual ƀon lan mhe, nău nchrăp năm 2022.

Nuĭh rblang: Thị Đoắt