VOV4.M'nông: Nchrăp lăp năm nti mhe 2022-2023, Dak Lak dôl nsrôih ntrôl ngăch rdâk njêng, nkra uĕh tay nhih nti, jrô nti;  rvăt năp ăp ndơ dŏng an ntĭm nti an ăp nhih nti. Năm nti dja, n'gor Dak Lak ntuh kơl bơi 488 rmen prăk gay ƀư mhe n'hanh nkra têh uĕh tay nhih nti n'hanh rvăt năp ndơ dŏng nti an ăp nhih nti bah gưl mầm non tât trung học phổ thông.

Tơm prăk dja rgum an lor ăp nkual jru ngai, nkual jêr jŏt, nkual n'har bri n'hanh lơn lah ăp nhih nti tiểu học, gay đăp mpăn nti 2 tơ̆/ nar tĭng bôk nău kan ntĭm nti phổ thông 2018. Tĭng Sở Giáo dục n'hanh Đào tạo n'gor Dak Lak, bol tơm prăk ntuh kơl an ntĭm nti way dơi mât uănh khlay. Yơn lah gay tŏng đah nău ŭch geh mpeh drăp ndơ dŏng nti gay an ƀư bôk nău kan ntĭm nti phổ thông mhe, lam n'gor hôm mô tŏng 500 jrô nti. Sở Giáo duc- Đào tạo Dak Lak hŏ geh ăp si ƀŭt njuăl dăn đă UBND n'gor nkra bah nô nău dja.

Nuĭh rblang: Điểu Thân