Ôi 15/11, Uỷ ban Mặt trận tổ quốc Việt Nam n’gor Dak Lak rgŏ jă khay kan an  nuĭh ach o năm 2023. Mbơh ta rơh rgŏ jă an saơ 3 năm aơ, mặt trận tổ quốc ăp gưl n’gor Dak Lak hŏ rgŏ jă geh bơi 60 rmen prăk, ntop kơl nuĭh ach o tĭng di quy định n’hanh mon geh 925 mblâm jay tâm rnglăp.

Đah nkô̆ “rkeh nuih n’hâm tâm  rŏng, rbăn mblâm jay tâm rnglăp” rơh rgŏ jă tĭng khay kan an nuĭh ach o năm 2023 ta Dak Lak lah nar kan mha êng  mpơl nuih n’hâm lha uĕh nkrum lha sat, mpư rnê rnoh khlay rnôk ndrel hăn ƀư pah kan an nuĭh ach o. ta rơh rgŏ jă, ban tổ chức hŏ njuăl siƀŭt mpơl nău n’hanh kuăl jă ăp mpôl, ăp nuĭh, doanh nghiệp, nuĭh lŏng nuih n’hâm kơl gay hun hao tơm prăk nkrem, nta trong gay kơl tay nuĭh ach o. ntơh măt Ủy ban mặt trận tổ quốc ăp gưl tâm n’gor đăng ký rnoh tơm ndơ ton rgŏ jă gay ƀư prăk nkrem đŏng. Lôch jêh rgŏ jă , ban tổ chức rơh rgŏ jă hŏ dơn geh 13,6 rmen prăk bah ăp mpôl kan, ăp ntŭk kan kơl  n’hanh ton ntop  kơl prăk nkrem an nuĭh ach o bah n’gor./.