VOV4.M’nông: Tât rnôk aơ, rlau 90% rnăk ach o, êp ach o tâm n’gor Dak Nông geh manh prăk gay hun hao văng sa. Rnôk aơ, n’gor lŏ leo tơm prăk tât kơl an ƀon lan, kơl kônh wa rklaih ndâk gay ma hun hao tuch tăm jêh rnôk bah srê Covid-19. Tât lôch khay 6/2022, rnoh ân manh bah bôk nau kơl ân manh tâm n’gor Dak Nông hŏ geh 3.640 rmen, hao bơi tât 15% rđil rơh aơ bôk năm. Aơ lah nau tă geh bah nau hun hao âk ngăn kơp ntơm sa ơm tât rnôk aơ.

Wa Đào Thái Hoà, Giám đốc ntŭk kan Ngân hàng chính sách xã hội n’gor Dak Nông, mbơh, ngân hàng hŏ rgum geh ơi tât 1.600 rmôt ƀư tâm nkrem ndrel ân manh prăk tâm dâng, pơk trong ân ƀon lan geh manh prăk ngăch ngăn, nkre uănh, ntĭm kônh wa dŏng prăk ân săk tam. Đah nkô̆ nau mô ân rnăk ach o, êp ach o mô geh prăk ƀư kan, ngân hàng tâm rgop đah ăp gưl n’gâng kan, nkuăl, kơp uănh ăp nŭih geh manh rjăp tâm ăp nkuăl gay ma pă tơm prăk manh ân tâm di./.

Nŭih rblang: H’Thi