VOV4.M’nông- Ban Dân tộc, hội đồng nhân dân n’gor Dak Nông mhe geh ƀư rơh uănh năl mpeh nău rêh bâh ƀon lan rnoi đê̆ lĕ bah ach o ta n’gor lvang năm 2019-2021. Bâh nău uănh nđôi na nê̆, Hội đồng nhân dân n’gor Dak Nông dăn đă UBND n’gor ntĭm đă ăp ntŭk kan, n’gâng kan tâm rgop na nê̆, tâm ban n’hanh mbơh ƀư tŏng ăp nău kơl kan hun hao wăng sa- rêh jêng, jut jăng ach o bâh ngih dak, uănh khlăy tâm rgop kan, ƀư ndrel đah ăp nău kơl kan gay ma n’hao an geh săk rnglăy lơn. Nkre lah, ƀư tĭng nău mĭn uănh, mbơh an ăp nău kơl, bôk nău kan tơm khlăy an rnăk ach o lah nuĭh ƀon lan rnoi đê̆. Aƀaơ, lam n’gor geh bơi tât 18.300 rnăk ach o, geh rlău 11% lĕ rnoh ƀon lan kơl an. Tâm nĕ, rnăk ach o lah ƀon lan rnoi đê̆ geh bơi tât 12.800 rnăk, geh bơi tât 28% lĕ rnoh rnăk ƀon lan rnoi đê̆.

Nuĭh rblang: Thị Đoắt