Tâm nklang ntŭk dôl ma ndâk nkra tâm nklang nkuăl ƀon têh Gia Nghĩa, âk jêt bôk ndeh dôl ma ndal kuih, kuai, brôi dăp trong. Wa Trương Công tiến, Rđau kan ntŭk ƀư nau nkra nglau Gia Nghĩa, Công ty Cổ phần ndâk nkra Phú Hiển Vinh, mbơh, rmôt kan dôl ma ndăn rnôk bri prăng gay ma ƀư ngăch nau kan:

            ‘Rnôk aơ hŏ ntơm lăp tâm yan vai, rmôt kan hên dôl ma tâm rgop nsum ma tơm ntuh kơl mra rgum máy móc ndơ dŏng nŭih kan gay ma ntrŭt dăng ngăch nau ƀư nau kan, đăp mpăn tât lôch lơ 31/12/2022 mra jêh ntŭk ƀư mpeh ntŭk êp aơ ndrel ăp nau kan geh tât nau brôi ndâp hôm e êng”.

            Wa Hồ Sỹ Điệp, Groi Giám đốc Rnâng kan mât bôk nau kan ntuh kơl ndâk nkra n’gor Dak Nông mbơh, Bôk nau nkra Quảng trường tâm nklang nkuăl ƀon têh Gia Nghĩa geh rnoh ntuh kơl 400 rmen prăk, rnôk ƀư tâm lvang năm 2022-2025. Tơm prăk geh dŏng dŏng tâm năm 2022 lah 54 rmen. Bol ma aơ lah nau kan tơm khlay bah n’gor, yơn mâp âk nau hôm kol ngăn tă bah nau ntrơn leo ntŭk gŭ gay ma ƀư nau kan kŏ kơt lah tât nau ntơm ƀư nau vẽ nkra, pă tơm prăk kan...Rnôk aơ ngăn lah ăp nau kol hŏ geh doh rklaih gay ma kơl an nau ndâk nkra:

            ‘Rnâng kan hŏ geh pah kan gay ma ntrŭt đă nau mbơh gay ma ƀư ân ngăch nau pah kan. Hôm nau kan pă tơm prăk ntrơn pă ntŭk ƀư kan ri rnôk aơ hŏ ntơm jêh nau kan ƀư jêh gay ma jao ân tơm ntuh kơl gay tât lơ 15/11 mra ntrŭnh ƀư ngăn”.

            Năm 2022 rnoh rnoh tơm prăk ntuh kơl nsum bah n’gor Dak Nông lah 2 rmưn 783,517 rbăn rmen prăk. Kơp tât lôch khay 10, n’gor mơ geh nau pă tơm prăk ân dŏng geh nklăp 50% nau nchrăp.Nkô̆ nau mbrơi ngăn lah nau ƀư ăp nau kan bah ăp sồ sơ săm ƀŭt têk jong ndrel hôm kol tâm rnôk ntrơn ntŭk gay ƀư kan. Wa Lê Văn Chiến, Groi Kruanh UBND n’gor Dak Nông, mbơh, ntrŭt dăng nau ngăch pă tơm prăk, n’gor hŏ leo ntrơn tơm prăk bah ăp bôk nau kan mô hôm dơi jêh bah ăp nau kan hŏ dơi jêh ƀư, bonh đă ăp tơm ntuh kơl, ăp tơm nau ƀư kan tâm ăp khay yan vai, ndrel nsôih doh rklaih ân lôch ăp nau nkol tâm nau trok tâm nau ntrơn leo ntŭk gay ma ƀư kan. Dak Nông ton mra pă tơm prăk geh rlau 95% nau nchrăp geh jao:

            ‘Năm aơ, Dak Nông ndâk mhe âk ngăn nau kan, ăp ntŭk kan geh tơm prăk âk ngăn, geh tât bơi n’gul rnoh tơm prăk ntuh kơl nsum bah năm. Ăp nau kan aơ ŭch ân geh du rnôk jŏ jong gay ma nchrăp nau ntuh kơl, ri tât rnôk aơ ăp nau kan dôl ma nchrăp geh săch ntŭk, ndrel mra geh pă tơm prăk ƀư kan tâm khay 11, 12. Rnôk ma ăp nau kan aơ ma jêh lôch nau săch tơm ntuh kơl lôch ri ma ndăn ngăch nau pă tơm prăk ma hao âk rlau. Ndrel hên ton đah Chính phủ lah năm aơ mra pă tơm prăk ƀư nau kan rlau 95% rnoh ntuh kơl nsum./.