VOV4.M’nông- An tâm rgop ta nău nchrăp Luật tăch rgâl bảo hiểm (rgâl mhe), ăp đại biểu dăn đă mô an geh sŏk ndơ̆ rnoh prăk mât nuĭh geh bảo hiểm tĭng nău ntrŭnh tâm nău nchrăp Luật. Yơn lah, n’gâng kan tơm prăk hôm nha dăn đă mât gay ma ngih dak leo kan mât nău dơi bâh nuĭh tât râng kan. Luật tăch rgâl bảo hiểm aƀaơ n’hanh nău nchrăp Luật tăch rgâl bảo hiểm (mhe rgâl) geh nău ntrŭnh mpeh rnoh prăk ntêm nkrem geh kan n’hanh rnoh prăk mât nuĭh geh bảo hiểm. Nkô̆ mpŏng ŭch geh njêng bâh 2 rnoh prăk kan aơ lĕ geh mpŏng tât mât đăp mpăn nău dơn kan bâh doanh nghiệp bảo hiểm rnôk geh mô dơi trok prăk, ntop mât kơl nuĭh tât dŏng bảo hiểm. Ăp đại biểu an lah, nău nchrăp luật tăch rgâl bảo hiểm mhe rgâl an geh mât đăp mpăn tâm di lơn nău dơi geh bâh nuĭh rvăt bảo hiểm. ăp rmôt kan doanh nghiệp tăch rgâl mât bảo hiểm an geh ƀư na nê̆ lơn tâm nău mât nău dơi bâh nuĭh rvăt bảo hiểm. Nău ntrŭnh na nê̆ mpeh nău dơn kan bâh ăp doanh nghiệp tăch rgâl mât bảo hiểm tâm nău dŏng mbơh êng săk nơm bâh nuĭh rvăt bảo hiểm.

Nuĭh rblang: Thị Đoắt