VOV4.M’nông- Tâm lvang năm 2021-2025 mbta geh klâp ma 230 rbăn rnăk ach o nkual ƀon lan mbra geh kơl mât đăp mpăn geh ngih jay gŭ đăp mpăn, geh njoat n’hao nău rêh, ntop jut jăng ach o, ji ngot nâp nâl. Aơ lah nău ntrŭnh geh n’gâng kan rdâk njêng nchrăp mbơh nău ntrŭnh bâh Thủ tướng chính phủ mpeh nău kơl an rnăk ach o mpeh ngih gŭ lvang năm 2021-2025. Gay ma ntop doh rklaih pă ngih jay gŭ ta nkual ƀon lan hôm nha âk nău jêr aƀaơ, tâm lvang năm 2021-2025, aƀaơ geh 2 bôk nău kan nkô̆ mpŏng kan ngih dak geh nkô̆ nău kơl ngih jay gŭ an ăp rnăk ach o jêr jŏt lah:Bôk nău kan nkô̆ mpŏng ngih dak mpeh hun hao wăng sa- rêh jêng nkual rnoi đê̆ n’hanh gôl yôk lvang năm 2021-2030, lvang 1 bâh năm 2021-2025 n’hanh bôk nău kan nkô̆ mpŏng ngih dak n’huch ach o nâp nâl lvang năm 2021-2025. Yơn lah, nău kan mbơh ƀư tĭng bâh 2 bôk nău kan nkô̆ mpŏng aơ mô geh lam dak ma kanŭng geh ƀư đah rnăk ach o nkual rnoi đê̆, gôl yôk n’hanh ta ăp nkuăl ach o.

Nuĭh rblang: Thị Đoắt