N’gor Gia Lai lĕ ƀư rƀŭn nchră n’glôch jêh nău kan joi, rgum nting tahen khĭt n’hanh năl săk tahen khĭt hôm e mô tŏng săk năm 2022, trong rƀŏng nău kan năm 2023. Ta dak băl Camuchia, tâm năm aơ, rmôt K52 n’gor Gia Lai lĕ uănh, joi ta 101 phum, bản ta 3 n’gor Ratanakiri, Stung Treng, Preta Vi Hia. Rgum geh 81 nău mbơh n’hanh rgum geh 18 nting tahen, n’hao rnoh lĕ rgum, djôt sĭt dak bah năm 2001 tât aƀaơ 1446 nting tahen khĭt. Tâm năm 2022, Đội K52 lĕ joi, rgum geh 28 nting tahen ta ăp ntŭk tâm n’gor.

Nsum mpôl Đội K52 lap dơi an nkhôm Huân chương Chiến công hạng 3 bah Kruanh dak.

Lĕ rngôch ăp nting tahen dơi ăp ntŭk ndrel ăp nău kan dơi kan ƀư râng, tâp khĭt dŭt rjăp. N’gor Gia Lai mĭn nău kan tâm năm 2023 nsrôih joi rgum bah 40 tât 60 nting tahen. Ƀư tĭng tay nău kan joi, rgum ntih tahen hăn kơl kan n’hanh nuĭh way kan Việt Nam khĭt ăp rơh tâm lơh tâm su ta Campuchia, tâm ban ŭch ăp trong mkra ƀư tĭng joi, rgum n’hanh năl săk tahen mô hŏ tŏng săk ăp năm bah kơi geh săk rnglăy âk.