VOV4.M'nông: Lôch 2 nar an ƀư, nar ntri (11/5), Hội Chữ Thập đỏ n'gor Gia Lai kan nsum đah mpôl kan ASIF (Australasia Social Impact Foundation) ta Việt Nam ƀư ndơ̆ jao an 39 ntu dak "kloh uĕh an ƀon" ma nuĭh ƀon lan ta 3 nkuâl: Ia Grai, Chư Prông, Chư Păh bah n'gor Gia Lai.

 Tĭng nê, ăp ntu dak geh lĕ ma: thŭng đâng dak 3.000 lít, máy bơm, jâng gung ta ndrâm dak n'hanh ăp ndơ ntop kơl êng ƀa ƀă. Prăk ƀư ntơm bah 80 tât 120 rkeh prăk/ntu. Aơ lah nău kan gŭ tâm trôm bôk nău kan ƀư "ntu dak kloh uĕh an ƀon" dơi an ƀư ntơm bah năm 2021-2023. Trong nchrăp gay nta trong dơh an nuĭh ƀon lan geh ndrâm dak dŏng, lơn lah ta ăp nkual jru, nkual ngai, nkual rnoi mpôl  đê̆ rgop  n'hao săk geh nău rêh./.

Nuĭh rblang: Điểu Thân