VOV4.M'nông: Tĭng bôk nău kan gưl neh dak mpeh tât rnoh hŭch rnăk ach o jŏ jong năm 2022 mhe an dŏng, UBND n'gor Gia Lai đă ăp nkuâl, ăp nhih pah kan an ƀư ăp kôp ăp trong nkra gay hŭch 2% lĕ rngôch rnoh rnăk ach o n'hanh 3% rnoh rnăk ach o nuĭh rnoi mpôl đê̆. Sở Lao động- Thương binh n'hanh Xã hội n'gor Gia Lai mbra nsŏng kơl an n'gâng kan, gưl ủy tâm dâng rdâk njêng ăp trong nkra na nê̆, ntop kơl rnăk ach o.

Nkre dŏng geh nău tam tơm ndơ bah trung ương; kan nsum đah ăp măt trận, nsum mpôl, chính trị, lam rêh jêng kon nuĭh ăp gưl gay rgum ăp tơm ndơ bah doanh nghiệp, lam rêh jêng kon nuĭh ntuh kơl an nuĭh ach o hun hao ƀư njêng. Tâm ăp năm rlău aơ, n'gor Gia Lai hŏ ntuh kơl rlău 1.270 rmen prăk ngân sách, an ƀư âk bôk nău kan ntop kơl ăp rnăk ach o nti nău kan, rgâl si tăm ndơ mât, rvăt thẻ bảo hiểm y tế, but săm dơm nău ji./.  

Nuĭh rblang: Điểu Thân