VOV4.M'nông: N'gor Gia Lai mhe khuh n'gôr ƀư weh njăt, nkah joi n'hanh tâp 18 nting tahen ơm khĭt n'hanh nuĭh rnâng kan Việt Nam râng kơl êng Campuchia ta Nghĩa trang Liệt sĩ nkuâl Đức Cơ (Gia Lai). Ta rơh lễ, kruanh UBND n'gor Gia Lai lah rjăp: Ăp cán bộ, tahen râng kơl êng n'hanh nuĭh rnâng kan Việt Nam hŏ dăch dêh ndrel ƀon lan Campuchia han dăng tâm lơh, roh  yot, kơl ƀon lan Campuchia nsĭt tay nău đăp mpăn, klaih bah rơh nkhĭt hêng nuĭh.

Nău roh yot bah ăp tahen ơm lah roh yot dŭt têh kuâng, an tay nău rngot klâng an ƀon lan lam dak. Ăp nting tahen ơm khĭt dja tă bah Đội K52 (Bộ Chỉ huy Quân sự n'gor Gia Lai) rgum, joi tâm khay wai 2021- 2022. Aơ lah khay wai tâl 21, Đội K52 ƀư nău kan rgum nting tahen ơm khĭt ta neh dak Campuchia. Tĭng nê, Rmôt hŏ rgum geh 77 nău lư mpeh ntŭk tâp ăp tahen ơm khĭt, leo ƀư joi ta 22 ntŭk geh nău lư môch tahen ơm khĭt n'hanh ƀư rgum joi geh 18 nting tahen ơm khĭt./.

Nuĭh rblang: Điểu Thân