VOV4.M’nông – UBND n’gor Gia Lai mhe an trong nchrăp ƀư bôk nău kan rƀŏng tĭng lam dak n’hŭch ach o nâp nâl lvang 2021-2025. Nău rƀŏng bah trong nchrăp lah n’hao n’hŭch ach o tâm nkual ƀon lan rnoi mpôl đêt, ntop kơl nuĭh ach o rlet hao nău rêh đah rnoh rnăk ach o hŭch rlău 3% du năm. Ƀư tĭng bôk nău kan rbô̆ng tĭng lam dak n’hŭch ach o nâp nâl lvang 2021-2025, Gia Lai nsrôh n’hŭch rnoh rnăk ach o bah lam n’gor rĭng 2%/năm n’hanh n’hŭch rnoh rnăk ach o tâm nkual ƀon lan rnoi mpôl đêt ăp năm rlău 3%.

Kơt tĭng khoa học mhe an nkra njêng kơl kônh wa nkual rnoi mpôl đêt ntơm rklaih ach o.

Tâm lvang aơ đŏng, bôk nău kan mbra ƀư 7 nău nchrăp, tâm nĕ geh ăp nău nchrăp ƀư lah: Ntop kơl ntuh kơl hun hao gung trong wăng sa rêh jêng nkuăl ach o; ntop kơl hun hao nkra njêng, rgâl uĕh ndơ kah; hun hao ntĭm nti nău kan, nău kan nâp nâl; ntop kơl jay gŭ an rnăk ach o, rnăk êp ach o ta ăp nkuăl ach o; bôk nău kan geh dĭng lĕ rnoh prăk ƀư tĭng rlău 905 rmen prăk.

VOV Tây Nguyên/ Nuĭh rblang: Y Sưng Phê Ja