VOV4.M'nông: Ôi 7/10, ta thị xã An Khê, Thị ủy, HĐND, UBND, Ủy ban MTTQ Việt Nam thị xã An Khê ƀư weh chop, rgum nkah n'hanh tâp 19 nting tahen ơm khĭt tă bah Đội K52 - Bộ Chỉ huy Quân sự n'gor Gia Lai mhe joi, rgum sĭt.

Tĭng nê, tâm khay 8 n'hanh khay 9 mhe aơ, ăp cán bộ, tahen Đội K52 n'gor Gia Lai kan nsum đah ăp đơn vị ta ntŭk ôp năl nău lư bah ăp tahen ơm n'hanh nuĭh ƀon lan mbơh gĭt môch nting tahen ơm khĭt ta nkuâl Đak Pơ n'hanh thị xã An Khê. Ntơm bah nê, ăp tahen Đội K52 hŏ joi saơ 18 nting tahen ơm khĭt ta thị xã An Khê, 1 nting tahen ơm khĭt ta nkuâl Đăk Pơ. Ndrel đah nê, ăp ndơ dŏng rnă săk kơt: lêu ao, njao tăng, jep cao su, ngan piăng./.

VOV Tây Nguyên

Nuĭh rblang: Điểu Thân