Kêng măng 26/9, Groi Thủ tướng Trần Lưu Quang wơt mpôl Nuĭh geh soan đah cách mạng n’gor Kiên Giang hăn khâl Thủ đô Hà Nội. N’gor Kiên Giang geh 120 rbăn nuĭh geh soan đah cách mạng lĕ dơi kơp dơn n’hanh ƀư tĭng nău kơl an. Tâm nĕ geh 1.782 nuĭh mê̆ dơi an ndơ nkhôm Mê̆ Việt Nam janh dăng.

Ta nar wơt, Groi Thủ tướng Trần Lưu Quang njưal nău mbah rhơn tât ăp đại biểu nuĭh geh soan n’gor Kiên Giang n’hanh njuăl nău chop khâl đêp rmên, nkoch nău nkah gĭt jru đah nău roh nsơr soan bah nuĭh geh soan đah cách mạng, đah nău way ơm ngêt dak nkah gĭt tu dak. Rnê rhơn n’gor Kiên Giang lĕ uănh tât nuĭh geh soan đah cách mạng nkre djôt dơn ăp nău dăn đă bah nuĭh geh soan mpeh nău n’hao prăk ntop kơl nuĭh geh soan, yơn Groi Thủ tướng Trần Lưu Quang lah Kiên Giang dơi geh nău kơl êng gay rgop nsum ty đah Trung ương gay mât uănh an nuĭh geh soan.