VOV4.M’nông – Groi thủ tướng Vũ Đức Đam mhe tât khâl n’hanh an ndơ ăp rnăk dơi kơl, rnăk ach o, phung pah kan, nuĭh kan jêr jŏt yor khuch bah srê Covid-19 ta n’gor Bình Thuận. Groi Thủ tướng nkoch ăp nău jêr jŏt, ŏk r’ah bah nuĭh ƀon lan tâm năm 2021. Nkre đă ăp gưl công đoàn n’gor mât uănh uĕh lơn nău rêh drăp ndơ, nuih n’hâm an nuĭh pah kan; lơn lah uănh tât ăp nuĭh geh khuch srê Covid-19.

Groi thủ tướng Vũ Đức Đam mbah rhơn tết Tahen n’har bri n’gor Bình Thuận.

Di rơh aơ, Mpôl pah kan lĕ an 550 nklâm ndơ an rnăk dơi kơl, nuĭh ach o, phung pah kan, rnăk wâl geh nău rêh jêr jŏt yor srê Covid-19. Mpôl pah kan tât khâl n’hanh an ndơ an N’gâng kan ntĭm rđău tahen n’har bri n’gor Bình Thuận n’hanh mê̆ Việt Nam janh dăng Lê Thị Đặng ta phường Phú Tài, nkual ƀon têh Phan Thiết.

Nuĭh rblang: Y Sưng Phê Ja