Ngăn ngên mbah rhơn nkah gĭt 69 năm nar rklaih đăp mpăn Thủ đô 10/10, măng nđaơ (3/10) Nkual ƀon têh Hà Nội lĕ ƀư rgŏ jă khay “Yor nuĭh ach o n’hanh đăp mpăn nău rêh jêng” năm 2023. Tâm măng nđaơ lĕ geh hang rhiăng ngih pah kan, rmôt kan doanh nghiệp n’hanh ăp nuĭh lŏng bôk tôr dăn kơl prăk nkrem yor nuĭh ach o n’hanh đăp mpăn nău rêh jêng nkual ƀon têh đah rnoh prăk rlău 50 rmen 100 rkeh prăk.

Nkual ƀon têh aƀaơ hôm rlău 2.100 rnăk ach o n’hanh rlău 22.200 rnăk êp ach o dơi ŭch kơl. Ta nar rgŏ jă, Mpôl rgŏ jă prăk nkrem yor nuĭh ach o nkual ƀon têh lĕ rlak prăk nkrem yor nuĭh ach o jao an prăk ntop kơl an 245 rnăk ach o ta lam nkual ƀon têh đah dĭng lĕ 10 rmen 400 rkeh prăk gay tâm pă an ăp nkuăl nkuăl têh gay ndâk ƀư jay tâm rnglăp n’hanh ntop kơl joi nău rêh kơl nuĭh ach o.