Bah nău mbơh bah nuĭh ƀon lan dak băl Campuchia, Đội K51, N'gâng kan ntĭm rđău tahen n'gor Dak Lak hŏ joi, rgum geh du nting tahen khĭt ta phum Vai Yoong, xã Busara, nkuâl Bétchanđa, n'gor Mondulkiri. Nau rgum geh nting tahen khĭt tâm ăp nar bôk năp ƀư nau kan yan vai lah nau dơi bah nau nsôih ndơn, uănh năl ndrel rklaih nau mbơh tă bah ƀon lan. Nau dơi aơ lŏ lah rjăp nau nsôih bah cán bộ, tahen Rmôt K51, N'gâng kan rđau tahen n'gor Dak Lak tâm nau ƀư nau kan joi, rgum nting tahen khĭt; nkre rgop nau ƀư rjăp nuih n'hâm “Nau kan 500 nar măng”, nsrôih joi ăp nuĭh kon hŏ khĭt yor nau đăp mpăn, dah rŏng bah neh dak, gay leo ăp nô sĭt ma ƀon tơm, rnăk vâl.