VOV4.M’nông – Ôi 19/7, UBND n’gor Kon Tum ƀư Rƀŭn nchră rnê rhơn nuĭh geh soan ntoh lư n’hanh xă, phường ƀư uĕh trong kan Thương binh-Liệt sỹ. Râng Rƀŭn nchră geh 101 nuĭh geh soan ntoh lư n’hanh nuĭh ntoh măt ăp xă phường pah kan uĕh trong kan Thương binh-Liệt sỹ. Lam n’gor Kon Tum geh rlău 50.600 nuĭh lĕ n’hanh dôl geh ăp naư kơl, tât rnôk aơ hôm e rlău 5.100 nuĭh dôl geh ntop kơl ăp khay.

Kon Tum ƀư uĕh trong kan Thương binh-Liệt sỹ

5 năm bah năp nău ƀư tĭng nău kơl an nuĭh geh soan dơi ăp gưl, ăp nău kan tâm n’gor nsrôih ƀư tĭng n’hanh geh âk săk rnglăy ngăn ngên nău nkah gĭt đah ăp nuĭh têh janh dăng lĕ roh, nuĭh bên tahen lĕ khĭt, nuĭh geh soan đah cách mạng. N’gor lĕ an rlău 51 rmen prăk ntuh kơl, ƀư uĕh pơk hvi 21 ndơ nchih săk tahen lĕ khĭt.

Nuĭh rblang: Y Sưng Phê Ja