VOV4.M’nông-  Bâh bôk năm tât aƀaơ, ntŭk kan mât uănh n’hanh hun hao bri n’gor Kon Tum lĕ geh bơi tât 220 rmen prăk nkhôm mât uănh bri.

Nuĭh ƀon lan Kon Tum tât râng mât uănh bri.

 Tĭng ntŭk kan mât uănh n’hanh hun hao bri n’gor Kon Tum, tâm lĕ rnoh geh bơi tât 220 rmen prăk nkhôm mât uănh bri, geh bơi tât 156 rmen prăk yor ntŭk kan mât uănh bri n’hanh hun hao bri Việt Nam pă an rnoh geh bâh 16 ntŭk kan dŏng kơl nkhôm mât bri ta nkual bar n’gor. rlău 63 rmen prăk geh ntŭk kan mât uănh bri n’hanh hun hao bri ta Kon Tum geh bâh 59 ntŭk kan dŏng rnoh kơl nkhôm mât bri ta n’gor. Nău sŏk dŏng rnoh geh, rgum lĕ rngôch rnoh prăk nkhôm mât bri lĕ geh leo kan pă prăk an ăp ntŭk kan mât uănh bri gay ma ntuh kơl an nău kan mât uănh, tăm bri n’hanh hun hao.

Nuĭh rblang: Thị Đoắt