VOV4.M'nông: Ôi 14/3, ta Nghĩa trang liệt sỹ nkuâl Ngọc Hồi, n'gor Kon Tum, Huyện ủy, HĐND, UBND, UBMTTQ Việt Nam nkuâl Ngọc Hồi ƀư weh njăt, nkah gĭt n'hanh nsĭt tâp 5 nting tahen ơm khĭt tâm ăp rơh tâm lơh tâm su mprơh Mỹ kơl neh dak. Weh njăt, nkah gĭt n'hanh nsĭt tâp 5 nting tahen ơm khĭt mbra ƀư huêng khlay, chon mbah mpơl nău nkah gĭt jru bah ăp rơh kơn ƀon lan đah ăp tahen ơm dăng janh khĭt  tâm lơh tâm su yor nsĭt tay nău đăp mpăn an rnoi nuĭh n'hanh mât njrăng neh dak Việt Nam xã hội chủ nghĩa.

Ăp nting tahen ơm khĭt dơi Rmôt rgum joi môch tahen ơm khĭt, Quân đoàn 3 joi saơ tâm kêng dŭt khay 2 mhe aơ mpeh n'har neh xã Ya Xiêr, nkuâl Sa Thầy n'hanh jao an n'gâng kan ta ntŭk. Tĭng nău năl bôk năp Rmôt rgum joi môch tahen ơm khĭt, Quân đoàn 3, 5 nting tahen ơm khĭt hŏ dơi joi saơ mpeh Trung đoàn 209, Trung đoàn 66 n'hanh du đêt đơn vị ntop n'hao râng tâm lơh n'hanh khĭt ta ntŭk tâm lơh Tây Nguyên tâm khay 3/1968./.

Nuĭh rblang: Điểu Thân