VOV4.M’nông- Kêng măng nar 12/8, ta ntŭk kan Quốc hội lĕ geh rơh tâm nchră mbơh ôp nău nuĭh way kan mpeh nău nchrăp luật uănh săm ji rgâl mhe yor Viện mĭn uănh lập pháp n’hanh ủy ban ntŭk rêh jêng bâh Qh leo kan. Kruanh QH Vương Đình Huệ tât râng rơh rƀŭn nchră. Ntoh ngơi ta rơh tâm nchră, kruanh QH Vương Đình Huệ lah na nê̆, Luật uănh săm ji mhe rgâl lah du nău nchrăp luật dŭt khlăy. Aơ lah du nău nchrăp Luật dŭt jêr, ngăn lah tâm nău mhe aƀaơ, lôch geh nău tât bâh nuh srê Covid-19. Ta rơh tâm nchră, ăp nuĭh way kan, nuĭh kan khoa học, lĕ tâm nchră, tâm rgop nău mpeh ƀư lôch ăp nău ntrŭnh mpeh nău uănh săm ji, ntŭk rêh jêng mpeh n’gâng kan dak si, tâm kơl kan nsum êng tâm n’gâng kan dak si n’hanh du đê̆ nkô̆ nău êng bâh nău nchrăp Luật uănh săm ji mhe rgâl, rnoh nuĭh kan ntuh kơl an uănh săm ji n’hanh nău rêh jêng. Ăp đại biểu an lah, trong kan pháp luật mpeh n’gâng kan dak si lah an geh khlăy mpeh lý luận n’hanh nău ngăn, mât nău kan tơm prăk an geh kloh rjăp, na nê̆, mât đăp mpăn nău dơi nuĭh ƀon lan, aơ lah nău dŭt khlăy tâm nău kơl mât đăp mpăn rêh jêng.

Nuĭh rblang: Thị Đoắt