VOV4.M’nông –  Tâm năm 2022, N’gâng kan Tài nguyên n’hanh Môi trường mbra ndâk njêng, mbơh an Quốc hội nău nchrăp ƀư Luật neh ntu (nkra rgâl). Aơ lah 1 tâm 9 nău kan khlay bah nău kan Tài nguyên n’hanh Môi trường n’gluh an tâm năm 2022. Tĭng nĕ, nkô̆ nău nkra rgâl rgum tât trong nchrăp n’hanh trong nchrăp dŏng neh, rnoh khlay neh n’hanh nău sŏk neh lâng, sŏk neh, n’hŭch rnoh dŏng neh, năm dŏng neh.... Aơ lah ăp nău dôl mâp âk wăk kol, ƀư wăk kol rnôk ƀư ăp nău nchrăp hun hao wăng sa rêh jêng ta ăp ntŭk. Kruanh N’gâng kan Tài nguyên n’hanh Môi trường Trần Hồng Hà an gĭt, nău nkra rgâl Luật neh ntu rơh aơ gay ndâk njêng trong pháp lý tŏng ăp, tâm ban ŭch gay mât uănh, dŏng geh săk rnglăy, mât uĕh tu tơm neh ntu tâm di nău ŭch hun hao wăng sa-rêh jêng, đăp mpăn bri dak, rnă njrăng, mât njrăng ntŭk ntô, tâm di đah rgâl trôk nar.

Nuĭh rblang: Y Sưng Phê Ja