VOV4.Mnông-  Ta Sóc Trăng, Ủy ban dân tộc mhe tâm rgop đah hội đồng Dân tộc bâh Quốc hội, n’gor Ủy, ủy ban nhân dân n’gor Sóc Trăng ƀư rơh tâm nchră: “Mbơh tơih ƀư tĭng bôk nău kan nkô̆ mpŏng ngih dak  hun hao wăng sa- rêh jêng nkual ƀon lan rnoi đê̆ n’hanh gôl yôk lvang năm 2021-2025 nkual đồng bằng sông cửu Long”.

Ntoh ngơi ntĭm đă rơh tâm nchră, groi Thủ tướng rnâng kan chính phủ Phạm Bình Minh, rnê, rơh tâm nchră aơ dŭt khlăy, na nê̆ tâm rnôk năm kan 2022 lah năm bah dih, njêng nău kan tơm gay ma ƀư tĭng ăp nkô̆ mpŏng lĕ ngluh mbơh ta Nghị quyết Đại hội Đảng tal 13 n’hanh nău nchrăp hun hao wăng sa rêh jêng 5 năm 2021-2025, lah năm bôk năp ƀư tĭng Bôk nău kan nkô̆ mpŏng ngih dak hun hao wăng sa-rêh jêng nkual ƀon lan rnoi đê̆ n’hanh gôl yôk lvang năm 2021-2025. Tĭng nău mbơh bâh groi Thủ tướng, bôk nău kan nkô̆ mpŏng ngih dak mpeh mpôl rnoi đê̆ n’hanh gôl yôk geh nău dŭt khlăy, nkre ntop an geh n’hao nău ŭch dŏng, pă nău kan, hun hao pah kan jan sa, tăch rgâl, nkre geh nsĭt nău khlăy mpeh rnă njrăng rêh jêng, ngăn lah đah ăp nuĭh geh nău mô dơi tâm nău rêh, ăp rnăk ach o, rnăk geh nău rêh jêr jŏt ta ăp nkual njônh ngai.

Nuĭh rblang: Thị Đoắt