VOV4.M'nông: Ôi 8/9 ta Hà Nội, Bộ Nông nghiệp n'hanh Phát triển nông thôn ƀư tâm nchră "Mbơh gĭt jru hvi Nghị quyết mbrô 19 bah Ban chấp hành Trung ương Đảng khóa 13 mpeh tuch tăm, ƀon lan kan lŏ mir tât lvang năm 2030, uănh ngai tât năm 2045; Hun hao tuch tăm jŏ jong n'hanh ƀon lan jŏ jong lvang năm 2021 - 2030, uănh ngai tât năm 2050”.

Ndrel đah leo ƀư kơt nti, mbơh gĭt jru hvi Nghị quyết, Bộ Nông nghiệp dôl ƀư rdâk njêng, hao mbơh rblang Chính phủ an dŏng bôk nău kan tĭng ƀư Nghị quyết. Ăp nău rgop ta rnôk tâm nchră hŏ ndrel tâm pă nău nkoch ăp nău tă ơm gĭt kan, ăp trong ntĭt leo mhe, geh nău tam tâm trong hun hao tuch tăm, ƀon lan kan lŏ mir gay rƀŏng tât rnoh rdâk njêng “Tuch tăm nđĭr uĕh, ƀon lan uĕh mhe, kan lŏ mir gĭt blău”.

Nuĭh rblang: Điểu Thân