VOV4.M'nông: Mbơh ta rơh rblang mpeh nkô̆ nău ntĭm nti tâm rnôk nuh srê Covid-19 tă bah Ủy ban văn hóa, ntĭm nti bah Quốc hội ƀư, tâm kêng măng 25/2, Bộ giáo dục rblang rgum tâm rmôt  nkô̆ nău têh: Đăp mpăn rnôk pơk tay mpông nhih nti n'hanh đăp mpăn săk blău ntĭm nti tâm rnôk nuh srê Covid-19. Ăp nău jêr jŏt ntul rlong dôl ndơ̆ luh đăp mpăn rnôk pơk mpông nhih nti; ăp trong nkra gay đăp mpăn, n'hâm suan ngăch dăng an rmôt nai ntĭm nti lơn lah đah kon se nti ta nâm 12 năm deh, mô hŏ chuh vaccine; ăp trong ntĭm nti pơk sŏng dăng....nê lah ăp nău wĭ wĕ bah âk nuĭh ntơh măt ta rơh mbơh rblang. Lah ta rơh mbơh rblang, Groi kruanh Rnâng kan Quốc hội Trần Thanh Mẫn dăn đă n'gâng kan ntĭm nti rgum rđău đă gay đăp mpăn nti kỳ 2 năm nti 2021-2022 geh nău dơi./.

Nuĭh rblang: Điểu Thân