VOV4.M'nông: Nar 3/8, Đoàn Khối doanh nghiệp Trung ương kan nsum đah du đêt nhih pah kan an ƀư âk nău kan đăp  mpăn rêh jêng kon nuĭh ta Dak Lak.

Ăp đơn vị hŏ ntơm ƀư jay tâm rŏng an rnăk yuh H’Tuyết Niê ta buôn Ea Sút, thị trấn Ea Pốk, nkuâl Cư M'gar; Khâl, pă nklâm ndơ Tiểu đoàn Huấn luyện - Cơ động D19 (Tahen n'har bri n'gor Dak Lak), pă an 45 nklâm học bổng an kon se rnoi mpôl đê̆ nti blău ta xã n'har bri Krông Na, nkuâl Buôn Đôn; Sa nkra n'hanh jao an du ntŭk pâl rlưn an kon se n'hanh 30 nklâm ndơ an kon se kon đơi, kon se quet nte ta Ntŭk rgum kơl mât nsum n'gor Dak Lak. Nkhêp geh rnôk dja, Đoàn Khối doanh nghiệp Trung ương ndơ̆ jao an nău kan druh ndăm "Mom ndăm Khối doanh nghiệp Trung ương hăn ƀư lor keh mbrô ntŭk têl ơm yău gưl neh dak ndah rup Nam Tiến”.

Nuĭh rblang: Điểu Thân