VOV4.M’nông: Bol ma geh âk nau khuch tâm nau pă điện tâm lĕ nau pă kŏ kơt lah nau tât khuch bah rnoh prăk ntuh kơl ân nau njêng điện, yơn lah rmôt kan Diện lực Việt Nam (EVN) hôm ton mra ƀư tŏng điện ân jâng văng sa ndrel nau rêh, nkre ƀư ân rjăp ăp nau rđau bah Chính phủ tâm nau ƀư rjăp mpeh tơm prăk, n’huch ăp nau dŏng gay ma mô n’hao rnoh tăch rai điện tâm năm 2022 aơ, gay ƀư ân đăp mpăn ân ueh nau dơi bah jâng văng sa. Rơh hao rnoh tăch rai điện êp aơ geh Thủ tướng Chính phủ nchră ndrel N’gâng kan Công thương ndơ̆ luh nau ntrơn rgâl rnoh tăch rai geh ntơmn lơ 20/3/2019, đah rnoh hao 8,36% rđil bah năp nê. Ngăn lah, rnoh tăch rai điện geh rgâl ƀư ntơm năm 2019 tât rnôk aơ lah 1.864,44 rêl/kWh (ê geh soay VAT)./.

Nŭih rblang: H’Thi