VOV4.M’Nông- Nar 1/7 ndơn kan an n’gâng kan chính trị đồng chí Võ Văn Thưởng Ủy viên Bộ chính trị, rnâng kan Ban bí thư ntrŭnh Chỉ trị 14 bâh n’gâng kan chính trị mpeh n’hao tay nău leo kan bâh Đảng đah Hội Luật gia Việt Nam tâm nău mhe. Gay ma geh n’hao tay nău leo kan bâh Đảng, n’hao tay lơn nău kan bâh hội luật gia Việt Nam tâm nău mhe, n’gâng kan chính trị mbơh đă, gâl ủy, ntŭk leo kan đảng ăp gâl mât uănh na nê̆, n’hao nău gĭt vât mpeh ntŭk kan, nău kan, dơn kan bâh hội luật gia Việt Nam- ntŭk kan chính trị- rêh jêng-nău kan, geh ndâk nsơm tay, ƀư lôch tay, rdâk njêng hội luật gia Việt Nam ăp nar lơ ma nâp dăng mpeh nău leo kan, rgâl mhe têh dăng mpeh nkô̆ nău, trong leo kan bâh hội, n’hao nău leo kan bâh hội luật gia tâm nău pah kan đah ƀon lan, geh pơk hvi tay nău tâm boh kan đah ăp ntŭk leo kan n’hanh nuĭh kan ueh mhe tâm nkual n’hanh lam ntur neh, nsrôih mât nâp nău mĭn leo kan bâh Đảng, rnâng kan cán sự đảng chính phủ ntĭm đă chính phủ ơm geh ƀư na nê̆ nkô̆ nău ntrŭnh aơ, ntĭm đă ăp n’gâng kan, ntŭk kan ta ntŭk nta nău dơh nơih an nău pah kan bâh hội luật gia ăp gâl kan tĭng nău ntrŭnh bâh pháp luật.

Nuĭh rblang: Thị Đoắt