Lơ 21/1, Ngih pah kan gŭ ta nkual Tây Nguyên, Đài TNVN tâm rgop đah N’gâng kan ntĭm rđău Tahen n’gor Dak Lak n’hanh Công ty Pring xăng Nam Tây Nguyên ƀư jao an jay rmôt kan an tahen Xa Văn Thắng, pah kan ta ngih pah kan tahen nkuăl Krông Bông, n’gor Dak Lak. Nô Xa Văn Thắng geh nău rêh jêr jŏt, gŭ jay manh, mât rong me bơ̆ ranh n’hanh 2 hê kon jêt dôl năm tât ngih sam ƀŭt. Jay mhe ƀư geh rnoh neh bơi 100 m2, dĭng lĕ prăk ndâk ƀư 260 rkeh prăk. Tâm nĕ, VOV Tây Nguyên n’hanh Công ty Pring xăng Nam Tây Nguyên ntop kơl 80 rkeh prăk, hôm ƀa ƀă nô Thắng lĕ manh nuĭh kan ndrel n’hanh Ngân hàng chính sách xã hội. Jay mhe dơi an tâm rơh Tết Nguyên đán lah ndơ khlay, nsĭt tay nău răm n’hanh nuih n’hâm an rnăk wâl, kơl nô Thắng đăp mpăn pah kan lôch uĕh nău kan. Dơi gĭt, aơ lah jay tal 5 ma VOV Tây Nguyên n’hanh ăp ntŭk kan ntop kơl ndâk ƀư kơl nuĭh ƀon lan n’gor Dak Lak tâm năm mhe rlău.

Tâm nau vơt Tết năm mhe Ất Tỵ 2025, rnăk yuh K’Nhing, rnoi K’ho tâm TDP Di Linh Thượng 2, nkuăl têh Di Linh, n’gor Lâm Đồng rhơn rnôk geh pă ngih kơl an. Ngih mhe ndâk, rnoh 160 rkeh. Tâm nê, rmôt bu ur nkuăl Di Linh kơl 50 rkeh tă bah tơm prăk kơl bu ur ach o, hôm e lah rnăk yuh nơm hăn manh. Wa K’Hương, Groi Kruanh Rmôt bu ur nkuăl Di Linh mbơh, ndrel đah nau ă ngih, rnôk aơ hôm geh âk nau mât chăm Tết ân oh nur geh nau rêh jêr jŏt:

          ‘Rmôt bu ur nkuăl Di Linh kuăl jă ăp nŭih geh nuih n’hâm lŏng ndrel ăp nŭih bu ur ndrle nsum ty kơl an. Êng nê hên tâm rgop ma du đĕe ntŭk tâm nkuăl kơt Công ty Điện lực gay ƀư ôp khâl, pă nklâm ndơ ân ăp bu ur ach o, mô geh ntŭk nsing gay khân păng geh ndơ gay rhơn năm mhe vơt tết. Tâm năm, rnôk ƀư bôk nau kan “Me kơl an” hên hŏ kuăl jă ăp nŭih geh nuih n’hâm lŏng, ăp ntŭk kan, ăp nŭih gay ma ôp khâl ndrel pă nklâm ndơ ân 45 kon se rêh konđơi, mô geh ntŭk rnơm. Ăp khay, vay geh rmôt hănôp khâl, mât chăm n’hâm soan. Dŭt năm ri tât ôp khâl, pă ndơ gay geh tay nau rhơn vơt năm mhe./.