VOV4.M'nông: Ôi 24/5, Rơh hop tâl 3 (Quốc hội khóa XV) hŏ djăt si ƀŭt mbơh rblang, si ƀŭt mbơh uănh năl di tay gưl bah lơ mpeh n'glôch jêh, uănh năl rgum lam lĕ rngôch mpeh nô nău tĭng ƀư Nghị quyết mbrô 66 bah Quốc hội n'hanh nchrăp  an ƀư trong Hồ Chí Minh gâl bah kơi nê. Tĭng si ƀŭt mbơh rblang bah Chính phủ, tât lĕ năm 2020 hôm 6 gâl đah lĕ rngôch rnoh jong nklăp 279 km mô hŏ an ƀư, tâm nê mhe tâm pă tơm prăk đah 3 gâl đah lĕ rngôch rnoh jong 108 km, nchrăp ƀư lôch jêh tâm lvang 2021-2025. Tât năm 2021, nchrăp mbra an ƀư lôch jêh nklăp 2.362 km, geh rlău 86% n'hanh nklăp 258 km trong mbah; dôl tĭng ƀư 211 km; mô  hŏ tâm pă tơm prăk an ƀư 171 km hôm ƀa ƀă gay nthoi mbluh lam njăr trong Hồ Chí Minh. Nău mbơh uănh năl di tay gưl bah lơ Ủy ban Khoa học, Công nghệ n'hanh Môi trường tâm ban ŭch đah nău dăn đă n'hanh bôk năp hŏ tâm ban ŭch đah trong nchrăp nkô̆ mpeh nchrăp ƀư trong Hồ Chí Minh n'glăp tâm Nghị quyết nsum bah rơh hop tĭng si ƀŭt mbơh rblang bah Chính phủ./.

Nuĭh rblang: Điểu Thân