VOV4.M’nông – Nar 22/4, Groi Thủ tướng rnâng kan Phạm Bình Minh ƀư tơm rƀŭn nchră trực tuyến lam dak mbơh ƀư bôk nău kan rƀŏng tĭng lam dak ndâk njêng ƀon lan mhe n’hanh bôk nău kan rƀŏng tĭng lam dak n’hŭch ach o nâp nâl lvang 2021-2025. Ta Rƀŭn nchră, ntoh măt ăp n’gâng kan, nău kan, ƀon lan uănh lah nău mbơh ƀư bôk nău kan rƀŏng tĭng lam dak ndâk njêng ƀon lan mhe năm bah năp đah dăp rgâl tay nău kan lŏ mir lĕ mât săk rnglăy, rgop ntrŭt hun hao ƀon lan, n’hao nău rêh nuĭh ƀon lan. Ăp nuĭh ntoh măt lĕ tâm nchră, n’hanh tâm ban ŭch ăp trong mkra gay ƀư ăp bôk nău kan rƀŏng tĭng lam dak lvang 2021-2025. N’glôn jêh rƀŭn nchră, Groi Thủ tướng rnâng kan Phạm Bình Minh đă tâm khay 5 tât, ăp n’gâng kan, nău kan dơi pă ndăn an ăp thông tư ntĭm, uănh an ăp bôk nău kan way kan, nău nchrăp ƀư tĭng gưl. Ăp ntŭk an nchrăp an ăp sam ƀŭt sam tra ntĭm na nê̆ bah Trung ương n’hanh n’hao trong kan uănh nđôi, săk rnglăy ƀư tĭng ăp bôk nău kan rƀŏng tĭng lam dak.

            Nŭih blang: Y Sưng Phê Ja