VOV4.M'nông: Lah ta rơh lễ nkah ndray 67 năm Nar nai dak si Việt Nam (27/7), Thủ tướng Chính phủ Phạm Minh Chính lah kloh, "n'gâng kan dak si lah du n'gâng kan mha êng" đah nău kan mât chăm n'hâm suan kon nuĭh, mât njrăng ngăch dăng n'hâm suan ƀon lan nar lơn ma uĕh lơn way lah nău kan lor kơl lor bôk năp, lah nău mĭn rvê bah kruanh rđău kan Đảng, Ngih dak he.

Chính phủ rđău đă ăp Bộ, ăp n'gâng kan ndăn ngăch gŭ mĭn dăn đă trong kơl mha êng đah nuĭh kan dak si, nkra bah ăp nău khoah, nta trong dơh gay but săm ji an nuĭh ƀon lan. He hôm âk ntil nău ân dơi ƀư gay di đah nău mpŏng bah nuĭh ƀon lan. Ƀon lan ŭch rŏng ăp ntŭk but săm ji kloh uĕh lơn, dơh soih lơn; gĭt blău lơn; rnoh khlay but săm ji, dak si săm ji, ndơ dŏng kan dak si dơi mât dŏng uĕh lơn, mbơh kloh rvah lơn; nău way, trong kơl bảo hiểm y tế, bảo hiểm xã hội tâm di n'hanh geh nău tam lơn./.

Nuĭh rblang: Điểu Thân