Mpôl pah kan bah N’gâng kan Công an mhe geh nar pah kan đah kruanh n’gor Kon Tum mpeh nău ntop kơl n’gor ndâk ƀư 1.400 mlâm jay kơl nuĭh ƀon lan rklaih luh ngih rông mpông sat. Tĭng nĕ, Đảng ủy Công an Trung ương, kruanh N’gâng kan Công an lĕ geh nău ntrŭnh ƀư tĭng Bôk nău an tâm nchră ndâk ƀư 1.400 mlâm jay kơl ăp rnăk dơi kơl, rnăk nuĭh rnoi mpôl đêt ach o, rnăk geh nău rêh jêr jŏt ta n’gor Kon Tum.

Du rnăk jay geh rnoh kơl 60 rkeh prăk bah prăk kon nuĭh tâm rgop yor N’gâng kan Công an rgŏ jă. Gay jay têh uĕh, nâp nâl lơn kơl rnăk nuĭh ƀon lan rêh đăp mpăn jŏ jong, n’gor Kon Tum mbra rgŏ jă tay ăp tơm prăk ta n’gor tâm nĕ geh nău rgop nar luh, lŭ loih ndâk ƀư... N’gor Kon Tum ton dŏng ndơ ntop kơl bah N’gâng kan Công an du trong săk rnglăy n’hanh nsrôih jêh nău ndâk ƀư 1.400 mlâm jay jêh bah năp nar 30/6 năm aơ. Tât aƀaơ n’gor Kon Tum lĕ ƀư mhe n’hanh nkra geh rlău 1.000 mlâm jay tâm ding lĕ 2.752 mlâm jay dơi ƀư mhe n’hanh nkra.