Kêng măng 4/3, Rmôt hăn kan bah N’gâng kan kơl mbơh nchră nau (N’gâng kan neh dak) hŏ hăn ôp khâl ndrel pă ngih an rnăk ach o, rnăk dơi kơl tâm n’gor Dak Lak. Rmôt hăn kan yor Thượng tướng Phùng Sĩ Tấn, Groi N’gâng kan kơl mbơh nchră nau tahen ƀon lan Việt Nam ƀư tơm hŏ pă ngih tâm kơl ân 5 rnăk vâl dơi kơl, du ngih rnoh 80 rkeh, ndrel 10 ngih tâm kơl ân ăp rnăk ach o, du ngih rnoh 50 rkeh. Êp nê, rđau kan n’gâng kan mbơh nchră nau hôm pă 50 nklâm ndơ ân 50 rnăk jêr jŏt tâm n’gor. Rnoh geh pă ngih ndrel nklâm ndơ lah bơi tât 1,1 rmen.

Tĭng rđau kan n’gâng kan mbơh nchră nau, Tây Nguyên mro geh Đảng, Ngih dak ndrel N’gâng kan neh dak uănh lah nkuăl tơm khlay mpeh neh dak, rnă njrăng bah lam dak. Ta aơ, kônh wa ăp rnoi tâm Dak Lak lah êng ndrel ăp n’gor Tây Nguyên lah nsum mro ƀư ueh nuih n’hâm cách mạng, tâm rnglăp du nuih n’hâm lơh phung rlăng. Nau aơ ntoh ngăn tâm nau kan Tây Nguyên rnôk tahen ndrel ƀon lan lam dak ndrel râng tâm lơh, nsĭt nau dơi, rklaih miền Nam, đăp mpăn neh dak./.