VOV4.M'nông: Gay đăp mpăn tŏng ăp tơm pă an pring xăng tăch tâm dak, Bộ Công thương mhe geh ăp si ƀŭt rđău đă mât đăp mpăn tŏng ăp tơm pring xăng tăch njuăl tât Sở Công Thương ăp n'gor nkual ƀon têh n'hanh ăp nuĭh tăch rgâl pring xăng. Na nê̆, đah nuĭh tơm bôk ndranh tăch rgâl pring xăng, ăp nuĭh tâm pă tăch chrai pring xăng: ân lor nchrăp tơm ndơ tăch, geh trong nchrăp rvăt n'glăp gay đăp mpăn tŏng ăp tơm pring xăng tăch tâm dak let năp tay. Đah Sở Công Thương ăp n'gor, nkual ƀon têh, groi nđôi lhăt nău tăch pring xăng ta ăp ntŭk tăch chrai pring xăng ta ntŭk, mô an nău geh rlu tăch mô geh nkô̆ tâm di. Tâm rnôk an ƀư, lah geh wăk kol, đă mbơh ngăch tât Bộ Công Thương gay kan nsum nkra bah./.

Nuĭh rblang: Điểu Thân