VOV4.M’nông – Groi Thủ tướng Chính phủ Lê Minh Khái mhe ký ntrŭnh nkra rgâl, ntop tay du đêt điều bah nău ntrŭnh mrô 157 năm 2007 bah Thủ tướng Chính phủ mpeh an manh đah kon hŏk sinh viên. Tĭng nĕ, rnoh an manh âk ngăn lah 4 rkeh prăk du khay/kon hŏk, sinh viên. Kơt nĕ, nkôp đah rnoh ơm lĕ dŏng, ri rnoh an manh âk ngăn đah kon hŏk, sinh viên hao 1,5 rkeh prăk/khay/kon hŏk, sinh viên. Nău ntrŭnh nkra rgâl khoản 2 Điều 2 đah nuĭh dơi manh prăk: Kon hŏk, sinh viên lah nuĭh bah rnăk wâl ngoăy tâm ăp nuĭh: 1 rnăk ach o tĭng tâm di nău ntrŭnh bah pháp luật; 2-rnăk êp ach o tĭng di nău ntrŭnh bah pháp luật; 3-rnăk geh nău rêng rĭng tâm ban tĭng di nău ntrŭnh bah pháp luật. Rnoh manh mhe dơi kơt dŏng đah ăp rnoh pă mhe kơp bah nar 19/5/2022.

Nŭih blang: Y Sưng Phê Ja