VOV4.M’nôngDi rơh kahgĭt 75 năm nar tahen sôt rmanh tahen khĭt tâm lơh kăl e, nar 10/7, n’gor Ủy, HĐND, UBND, Ủy băn MTTQ Việt Nam n’gor Hà Giang geh ƀư rơh njor khĭt n’hanh tâp 10 nting tahen khĭt ta rơh mât đăp mpăn neh dak ta môch tâp tahen Vị Xuyên. Tât râng geh kruanh dak ơm Trương Tấn Sang, groi Thủ tướng chính phủ Vũ Đức Đam. Tâm nău rngot, mbah ryơk, ăp đại biểu mpoh nhang, kŭnh bôk kahgĭt nău kan têh kuăng bâh ăp tahen lĕ khĭt ta rơh tâm lơh n’hanh mât đăp mpăn neh dak. Aơ lah ăp tahen lĕ hăn ndrel đah tahen n’hanh ƀon lan ăp mpôl rnoi n’gor Hà Giang têh dăng pah kan tâm lơh n’hanh khĭt ji, nsrôih mât đăp mpăn nkual neh huêng khlăy bâh neh dak ta rơh tâm lơh mât đăp mpăn n’har bri mpeh Bắc. Ta rơh aơ, âk nuĭh ƀon lan n’hanh ăp nuĭh tahen ơm lĕ tă tâm lơh ta Vị Xuyên mpơl nău rngot  rnôk geh saơ ăp tahen, mpôl kan bâh nơm geh rgum sĭt ta môch tâp tahen ngih dak vị Xuyên.

Nuĭh rblang: Thị Đoắt