VOV4.M’nông – Ta Nău ntrŭnh mrô 08 an nar 28/3, Chính phủ ntrŭnh an ntop kơl du hê 500.000 prăk/khay, khay ntop kơl đêt ngăn 3 khay đah nuĭh pah kan tâm ăp doanh nghiệp ta nkual công nghiệp, nkual chế xuất mô lah nkual wăng sa têh dôl gŭ manh, gŭ jrô manh bah nar 1/2 tât 30/6. Wa Vũ Trọng Bình, Cục trưởng Cục pah kan N’gâng kan Lao động thương bình n’hanh xã hội, an gĭt: ăp nuĭh pah kan dôl kan tâm ăp doanh nghiệp, ntŭk tăch rgâl, nkra njêng n’hanh ký ton pah kan bah du khay let lơ, nkre dôl gŭ jrô manh, mbra dơi kơl bah prăk aơ, mô êng lah tâm tỏnlong kan mô lah na nê̆. Tĭng wa Bình đô̆ng, nchrăp, prăk ntop kơl tĭng nău ntrŭnh mrô 8 bah Chính phủ mpeh ntop kơl prăk manh jay an nuĭh pah kan geh tât nklăp 3 rkeh n’gul nuĭh đah dĭng lĕ tơm prăk dơi an lah 6.600 rmen prăk.

Nŭih blang: Y Sưng Phê Ja