-Bảo hiểm y tế lah trong kơl bảo hiểm bah Đảng n’hanh Ngih dak, yor nău geh an nuĭh kan n’hanh nuĭh ƀon lan, dơi Ngih dak ntop kơl, tă bah nhih pah kan Bảo hiểm xã hội ƀư; tâm nê, kon se nti, sinh viên dôl tĭng nti ta ăp ntŭk ntĭm nti, kơp lĕ ma sinh viên ngăn dôl kơt nti ta ăp nti Tahen ƀon lan, Công an ƀon lan, mô kơp hŏ râng ăp rmôt êng ƀa ƀă nchâp đă râng.

-Kon se nti, sinh viên râng bảo hiểm y tế dơi:

- Ngih dak ntop kơl 55% rnoh ndơ̆ prăk ăp khay (Ngân sách Trung ương 50%, ngân sách n’gor 5%). Rnoh ndơ̆ prăk bảo hiểm y tế kon se nti, sinh viên dah 4,5% rnoh prăk khay tơm, kon se nti, sinh viên djăt ma ndơ̆ 45% rnoh prăk dơm.

- Sơch trong ndơ̆ tât leh 3 khay, 6 khay mô lah 12 khay.

-Râng bảo hiểm y tế kon se nti, sinh viên mbra dơi geh ăp nău dơi bah kơi aơ:

- Dơi kơl an thẻ bảo hiểm y tế ma siƀŭt điện tử.

- Dơi sơch n’hanh rgâl ntŭk đăng ký but săm ji bôk năp tâm 15 nar bôk năp ăp quý.

- Dơi mât chăm n’hâm suan bôk năp tĭng quy định.

- Dơi trok tâm prăk but săm ji tâm n’glĕ nău dơi dŏng n’hanh rnoh dŏng

- Dơi nhih pah kan Bảo hiểm xã hội mbơh nti, ntop kơl, trong nkra mpeh bảo hiểm y tế.

- Dơi lah, phong nău tih pháp luật mpeh bảo hiểm y tế.

-Kon se nti, sinh viên đăng ký râng bảo hiểm y tế ta Ntŭk ntĭm n’hanh nti dôl kơt nti n’hanh ƀư tĭng trong ntĭm nti.

-Yor n’hâm suan kon se, yor an neh dak let năp tay, Ân râng bảo hiểm y tế kon se nti, sinh viên.

-Lah ŭch gĭt tay nău lư, ân ôp na nê̆ đah Bảo hiểm xã hội n’gor Dak Lak mô lah Bảo hiểm xã hội ăp ntŭk gay mbơh nti, ntĭm nti n’hanh nkra ƀư.

-Mbrô điện thoại mbơh nti, ntop kơl bah Bảo hiểm xã hội n’gor Dak Lak:  0262 222 9799.