VOV4.M'nông: Bộ Lao động, Thương binh n'hanh Xã hội mhe geh si ƀŭt hao mbơh rblang Thủ tướng Chính phủ mpeh nău ndơ̆ dăn Kruanh dak pă nklâm ndơ an nuĭh geh n'hâm suan đah cách mạng nkhêp geh nkah ndray 75 năm Nar Tahen ơm -khĭt rmanh (27/7). Tĭng nê, nhih pah kan dja dăn đă ntêm an rlău 400 rmen prăk gay pă nklâm ndơ me Việt Nam dăng janh, rnăk wâl tahen ơm khĭt, rmanh kop ji. Ôi 15/6, ta Hà Nội, Mpôl ntop kơl rnăk tahen ơm khĭt Việt Nam ƀư rơh rgŏ jă bôk nău kan nhắn tin “Nkah tahen ơm khĭt 2022”. Đah cú pháp TALS njuăl 1400, ăp tin nhắn dơi njuăl hăn mbra kơl 20 rbăn prăk nkah gĭt tahen ơm khĭt 2022. Ƀư ntơm bah nar 15/6 tât lĕ nar 13/8/2022. Nău kan dja mpơl nuih n'hâm nkah gĭt jru bah nău way "Ngêt dak kah gĭt tu tơm", "Nkah gĭt n'hâm suan” n'hanh lah nuih n'hâm uĕh lăng bah rnoi nuĭh he. Aơ lah nău ntop kơl ngăn ngăn đah rnăk wâl tahen ơm khĭt./.

Nuĭh rblang: Điểu Thân