VOV4.M'nông: Nthoi tay rơh hop tâl 16, nar 12/10, Ủy ban Thường vụ Quốc hội an nău rgop tĭng ƀư Nghị quyết mbrô 54 bah Quốc hội khóa 14 mpeh rlong trong kan mha êng hun hao nkual ƀon têh Hồ Chí Minh n'hanh đă ƀư lôch jêh ăp tŏng trong kơl mha êng rlong ƀư an nkual ƀon têh Hồ Chí Minh; mbơh sơ kết 03 năm tĭng ƀư Nghị quyết mbrô 115 bah Quốc hội khóa 14 mpeh nău way, trong kơl mha êng đah nkual ƀon têh Hà Nội. Mĭn uănh, n'glêh an nău dăn đă bah Thủ tướng Chính phủ mpeh nău an rlu Đại sứ đặc mệnh toàn quyền bah dak Cộng hòa xã hội chủ nghĩa Việt Nam. An nău rgop mpeh nău nchrăp rơh hop tâl 4 bah Quốc hội n'hanh mpeh trong  nkra kŏ kol, jêr jŏt ta du đêt trạm thu phí/trong nchrăp BOT. Bah năp nê, ta rơh hop nar 11/10, Ủy ban Thường vụ Quốc hội tâm ban ŭch hao  mbơh dăn Quốc hội trong rgâl n'hao prăk khay, prăk khay rlu ranh, ntop kơl bảo hiểm xã hội n'hanh ntop kơl nuĭh geh n'hâm suan tâm năm 2023. Bộ trưởng Bộ Tài chính Hồ Đức Phớc an gĭt: trong nchrăp rgâl n'hao prăk khay, prăk khay rlu ranh, ntop kơl bảo hiểm xã hội n'hanh ntop kơl nuĭh geh n'hâm suan ntơm bah 1/7/2023.

VOV.VN

Nuĭh rblang: Điểu Thân