VOV4.M'nông: Groi Thủ tướng Lê Minh Khái mhe ký si ƀŭt n'glêh an mpeh nău an manh tơm prăk đah kon se nti, sinh viên geh rnăk wâl jêr jŏt gay rvăt máy tính, ndơ rhŏ dŏng nti pơk sŏng dăng. Nău n'glêh an nchih kloh, kon se nti, sinh viên ân tŏng nău dơi manh tơm prăk kơt bah kơi aơ: Bôk năp, lah nuĭh tâm du rnăk mpeh ăp săk: rnăk ach o, rnăk dăch kêng ach o, rnăk rĭng geh tĭng di quy định bah pháp luật mô lah rnăk geh nău rêh jêr jŏt tă khuch bah nuh srê COVID-19 (geh me mô lah bơ̆ n'hanh me khĭt tă bah nuh srê COVID-19). Tâl bar, mô geh máy tính, ndơ dŏng an nti pơk sŏng dăng n'hanh mô hŏ geh ndơ ntop kơl máy tính, ndơ dŏng nti pơk sŏng dăng ăp ntil. Rnoh tơm prăk an manh dŭt âk 10 rkeh prăk/kon se nti, sinh viên. An manh dŭt jŏ 36 khay. Deh prăk kon an manh 1,2%/năm. Deh prăk kon rlău nar trok dah deh prăk kon an rnăk ach o manh ta rơh manh tơm prăk. Si ƀŭt n'glêh an geh nău tam an dŏng ntơm bah nar 4/4/2022./.

Nuĭh rblang: Điểu Thân