VOV4.M'nông: Mpeh nô nău nuĭh Việt Nam geh rlăm hăn pah kan ta Campuchia, ta rơh hop báo mhe aơ, Nuĭh ntơh ngơi Bộ Ngoại giao Lê Thị Thu Hằng an gĭt, ăp nhih pah kan ntơh măt Việt Nam ta Campuchia hŏ way tâm rgop kan nsum đah ăp n'gâng kan, ăp nhih pah kan dơi kan n'hanh ăp n'gor tâm dak, lơn lah ta ăp n'gor kâng n'har n'hanh ăp nhih pah kan dơi  kan ta Campuchia tĭng ƀư âk trong mât njrăng, ntop kơl ăp nuĭh ƀon lan nkhêp geh jêr jŏt gay plơ̆ sĭt dak. Đại sứ quán Việt Nam ta Campuchia hŏ geh trong ôp duh ndal mât njrăng nuĭh ƀon lan 24/7, tâm ban kơt trong ôp ndal bah Cục lãnh sự gay dơn nău lư mpeh ăp nuĭh geh bu rlăm, tâm ban kơt ăp nău lư mbơh njrăng lor êng ƀa ƀă đŏng. Đah nău rgop kan nsum bah ăp nhih pah kan tâm dak n'hanh mpeh Campuchia, an tât aƀaơ, ăp nhih pah kan bar ding hŏ njŭn sĭt nklăp 400 nuĭh, ntĭm nti lăp rglah n'hanh ntop kơl nău tâm di an 1.500 nuĭh ƀon lan mâp jêr jŏt tâm luh sĭt, rsong hăn, njong tay nar an gŭ mô lah tih nău way an gŭ bah dak tơm. Bộ Ngoại giao n'hanh ăp nhih pah kan ntơh măt ta dak bah dih mbra kan nsum tay đah ăp nhih pah kan tâm dak n'hanh Campuchia gay n'hao dăng hăn ôp ŭanh, năn ngăch nkra ăp nău tih ơm ntrôl rŭch bah geh nău dja./.

Nuĭh rblang: Điểu Thân