VOV4.M’nông: Kêng măng 1/6 Quốc hội hŏ tâm nchră tâm ngih rƀŭn mpeh nau ntop nau tă geh dơi ƀư nau nchrăp hun hao văng sa, rêh jêng ndrel tơm prăk Ngih dak năm 2021 ndrel ăp khay bôk năm 2022. Râng mbơh nau tâm ngih rƀŭn, Ntoh măt Quốc hội K’Nhiễu-Rmôt kan bah Lâm Đồng rgop nau: Nkuăl rnoi mpôl đê̆ ndrel gôl yôk geh nau khlay tâm nau hun hao neh dak kŏ kơt lah nau kan cách mạng bah Đảng. Quốc hội gưl XIV hŏ ntrŭnh nau mrô 102 ân ƀư ntuh kơl bôk nau kan bah neh dak hun hao văng sa, rêh jêng nkuăl rnoi mpôl đê̆ ndrel gôl yôk lvang năm 2021-2030. Chính phủ hŏ rđau rjăp, dăng ăp n’gâng kan ƀư ndrel ntrŭnh. Wa K’Nhiễu đă Chính phủ, Thủ tướng Chính phủ kơl an, rđau ăp n’gâng kan, ntŭk kan geh tât ân geh du nau nsôih chính trị prêh gay ma rgum tu tơm, n’hâm soan, nau kan gay ƀư bôk nau kan, nsôih leo dŏng geh 100% tơm prăk kơt nau nchrăp tă jao./.

Nŭih rblang: H’Thi