VOV4.M’nông: Lơ 16/3, rơh ôp nau bôk năp bah Uỷ ban Rnâng kan Quốc hội gưl 15 ntơm đah nkô̆ nau ôp nau Kruanh n’gâng kan Công thương Nguyễn Hồng Diên mpeh êp nau kan nsum nau pă ndrel rnoh rnoh dak pring xăng, du ntil ndơ dŏng khlay geh tât nau kan ê nkra lah nsum. Kruanh n’gâng kan Nguyễn Hồng Diên mbơh: Lam dak geh 17 rbăn ntŭk tăch rai dak pring xăng, rmôt kan hŏ ntơm mêt uănh 16.800 ntŭk, hŏ rklaih mhal, saơ 211 ntŭk nsrŭng tăch. Mpeh nkô̆, âk ngăn lah yor dôl nkra, geh du đê̆ ntŭk lĕ xăng yor tă ngih máy trih Nghi Sơn nsrŭng kan.

Nkre mbơh, N’gâng kan Công thương mra mhal lah saơ nau mpôn têm gay ma n’hao tăch. Rnôk aơ n’gâng kan dôl ma uănh tâm 33 ntŭk, mô geh ndơ nkŭm. Ăp ntoh măt ôp nau N’gâng kan công thương geh moh nau kan gay ma têk jur rnoh tăch pring xăng, doh rklaih nau jêr nsum ân nau kan ê nkra, tăch rgâl, Kruanh n’gâng kan Công thương ân lah, nau nê nsing tâm ntŭk kan tăch rgâl bah lam ntur neh./.

Nŭih rblang: H’Thi