Ƀư tĭng Nău kan 500 nar măng joi, rgum n'hanh năl săk nting tahen khĭt tâm lơh kăl e, rmôt kan Ban ntĭm rđău Tahen xă Ba Động, n'gor Quảng Ngãi tâm rgop đah ăp rmôt kan dơi kan bah xă pơk hvi nkual joi ta bôk dak me Nước No, thôn Ba Liên, xă Ba Động n'hanh saơ 3 nting tahen khĭt tâm lơh kăl e.

Tă bah joi, sŏk joi nting tahen khĭt tâm lơh kăl e, rmôt kan dơi kan saơ du đêt ndơ geh tât tahen kơt mbang ao, tăng, njao dù, rse dù. Ăp drăp ndơ aơ dơi rgum, mât ndray ndrel nting tahen tĭng di nău ntrŭnh, kơl an nău kan uănh năl, nkre đăp mpăn nău ƀư rjăp, ueh ngăn đah ăp tahen khĭt.